ہالی ووڈ سٹار بریڈ پٹ سے طلاق کے تقریباً 7 سال بعد بین الاقوامی شہرت یافتہ اداکارہ اور سماجی کارکن انجلینا جولی کو ایک بار پھر پیار ہونے لگا ہے۔ ۔حالیہ مہینوں میں انہیں برطانوی ریپر اکالا کے ساتھ دیکھا گیا ہے اور بتایا گیا ہے کہ وہ ڈیٹنگ کر رہے ہیں۔برطانوی اخبار "ڈیلی میل" کے مطابق جولی کے لیے یہ پہلا رشتہ ہے۔ ان کی عمر 48 سال ہوچکی ہے اور سنہ 2016ء میں بارہ سال کے ازدواجی تعلق کےبعد بریڈ پٹ سے ان کی علاحدگی ہوگئی تھی۔اس نئے جوڑے کو حالیہ مہینوں میں کئی مواقع پر ایک ساتھ بھی دیکھا گیا ہے اور حال ہی میں اٹلی کے شہر میلان میں رات کے کھانے کی تصاویر بھی سامنے آئی تھیں۔جولی نے اپنی محبت کو دوبارہ تلاش کرنے کی خواہش کے بارے میں آواز اٹھائی ہے۔ ایک پچھلے انٹرویو میں کہا کہ انہوں نے کہا تھا کہ وہ "مستقبل کی منتظر ہیں"۔جب کہ دونوں نے اپنے تعلقات کے بارے میں اب تک خاموشی اختیار کر رکھی ہے۔اکالا جس کا اصل نام جیمز کنگسلے میک لین ڈیلی ہے ایک برطانوی ریپر اور شاعر ہیں۔ 1983ء میں پیدا ہوئے۔ انہوں نے اپنے میوزک کیریئر کا آغاز 2006 میں کیا اور اپنا پہلا البم "فریڈم آف سپیچ" 2008 میں ریلیز کیا۔انہوں نے 2015ء میں اپنا تیسرے البم "The Thieves Banquet" جاری کیا جسے گریمی ایوارڈ کے لیے نامزد کیا گیا۔وہ ایک سیاسی کارکن بھی ہیں اور سماجی انصاف اور موسمیاتی تبدیلی سمیت کئی سماجی مسائل کے لیے اپنی حمایت کا اظہار کر چکے ہیں۔قابل ذکر ہے کہ انجلینا نے 19 ستمبر 2016 کو بریڈ پٹ سے طلاق کے لیے درخواست دائر کی تھی۔انجلینا کے اپنے سابق شوہر بریڈ پٹ سے 15 سالہ جڑواں بچے ناکس اور ویوین سمیت 6 بچے ہیں، جن کے ساتھ اس نے اپنے گود لیے ہوئے بچوں کے علاوہ 17 سال کی شیلو کو بھی جنم دیا۔ ان بچوں کو انہوں نے بریڈ پٹ کے دور میں گود لیا تھا۔