انگلش کلب لیور پول کی ویب سائٹ پر جاری ایک بیان کے مطابق رائے ہوجسن سپین سے تعلق رکھنے والے رفائیل بینیٹز کی جگہ لیں گے، جہنوں نے کلب کی ناقص کارکردگی کے باعث گزشتہ ماہ اپنے عہدے سے استعفی دے دیا تھا۔ رائے ہوجسن اس سے پہلے انگلش کلب فُل ہیم کی کوچنگ کر رہے تھے، ان کی کوچنگ میں فُل ہیم نے انگلش پریمیئر لیگ میں شاندار کارکردگی کا مظاہرہ کیا جبکہ ٹیم یوئیفا یوروپا لیگ کا فائنل کھیلنے میں بھی کامیاب رہی۔ ہوجسن اس سے پہلے اطالوی کلب انٹر میلان کے ساتھ ساتھ سوئٹزرلینڈ اور فن لینڈ کی قومی ٹیموں کی کوچنگ بھی کرچکے ہیں۔