داتا گنج بخش کے مزار پر عبادت میں مشغول ہزاروں افراد پر ہونے والے خودکش حملوں میں بیالیس افراد جاں بحق اور ایک سو ستر سے زائد زخمی ہوگئے ۔ ساری رات داتا گنج بخش کے مزار کے احاطے میں رقت آمیز مناظر دیکھنے میں آئے جبکہ آج صبح نمازِ فجر میں داتا دربار کے پیش امام علامہ مقصود قادری نے خود کش حملوں میں شہید ہونے والے افراد کے لیے فاتحہ خوانی اور خصوصی دعا کروائی ۔ اس موقع پر سینکڑوں افراد نے باجماعت نماز ادا کی ۔ نماز کے بعد دعا میں بھی لوگ اپنے پیاروں کو یاد کر کر کے روتے رہے ۔