لاہور (خبرنگار خصوصی) وزیراعلیٰ پنجاب محمد شہبازشریف کے گزشتہ روز آشیانہ ہاﺅسنگ سکیم کے دورہ کے موقع پر سکیم میں گھر حاصل کرنے والے خوش نصیب خاندان نے ان سے ملاقات کی اور انہیں درازی عمر کے لئے جھولیاں اٹھا کر دعائیں دیں۔ محکمہ انکم ٹیکس کے نائب قاصد سمیع مختار اور اس کی اہلیہ نے وزیراعلیٰ کو بتایا کہ انہوں نے کبھی اپنے گھر کا سوچا بھی نہ تھا‘ اس سکیم میں گھر حاصل کرنے پرہمیں اتنی خوشی ہے کہ الفاظ میں بیان نہیں کر سکتے۔ اس موقع پر خوش نصیب خاندان کی خوشی دیدنی تھی اور فرط جذبات میں ان کی آنکھوں سے بے اختیار آنسو چھلک پڑے۔
جھولیاں اٹھا کر دعائیں