کسٹمز پری وینٹو کلکٹوریٹ اور اپریزمنٹ نے ہدف سے زائد ٹیکس اکٹھا کر لیا

لاہور ( خبر نگار ) کسٹمز پری وینٹو کلکٹوریٹ لاہور نے مالی سال 2014-15میں ریکارڈ 29 ارب 73 کروڑ روپے ٹیکسوں کی مد میں اکھٹے کر لئے۔کسٹمز پری وینٹو کلکٹوریٹ لاہور کا گذشتہ مالی سال میں ٹیکسوں کی وصولی کا ہدف 25 ارب 7 کروڑ روپے تھا جبکہ 29 ارب 73 کروڑ روپے اکٹھے کئے گئے ۔ کسٹم کلیکٹوریٹ آپریزمنٹ لاہور نے 54ارب 90کروڑ 43لاکھ روپے کا ریکارڈ ٹیکس اکٹھا کر لیا۔ جو کہ مالی سال 2013-14ء کے دوران اکٹھے ہونیوالے 45ارب 83کروڑ 2لاکھ روپے سے 17فیصد اور ایف بی آر کی طرف سے رواں سال کیلئے مقررکردہ ہدف 53ارب 90کروڑ 32لاکھ سے 2فیصد زیادہ ہے۔