بلاول نے پارٹی کی صوبائی کوآرڈینیشن کمیٹیوں کا اجلاس آج طلب کرلیا، کل لندن روانہ ہونگے

کراچی (نوائے وقت رپورٹ+ آئی این پی) پیپلز پارٹی کے چیئرمین بلاول بھٹو زرداری نے پانچویں صوبائی کوآرڈینیشن کمیٹیوں کا مشترکہ اجلاس آج طلب کر لیا ہے۔ اعلامیہ کے مطابق پیپلز پارٹی کی صوبائی کوآر ڈینیشن کمیٹیوں کا اجلاس بلاول ہائوس کراچی میں ہوگا جس میں ملک کی مجموعی سیاسی صورتحال پر غور کیا جائے گا۔ اجلاس میں صوبے سے لیکر ضلع تک پارٹی کی تنظیم نو پر تفصیلی بات چیت بھی ہو گی۔ اجلاس میں فریال تالپور، قمر الزمان کائرہ اور جہانگیر بدر خصوصی شرکت کریں گے۔ علاوہ ازیں بلاول بھٹو زرداری کل لندن روانہ ہوں گے۔ ذرائع کے مطابق بلاول بھٹو زرداری اور آصف زرداری لندن میں ہی عید منائیں گے۔ آصف علی زرداری ان دنوں امریکہ کے دورے پر ہیں۔