اترکھنڈ:مسافربس 200میٹر گہری کھائی میں گرگئی ، 47ہلاک، 11زخمی

نئی دہلی (آئی این پی) بھارتی ریاست اترکھنڈ میں مسافر بس گہری کھائی میں گر نے سے 47 افراد ہلاک اور مسافر بس مکمل طور پر تباہ ہوگئی۔بھارتی میڈیا کے مطابق اترکھنڈ کے ضلع پوری گھروال کے علاقے دھوما کوٹ میں مسافروں سے بھری بس گہری کھائی میں گر گئی جس کے باعث 47 مسافر ہلاک ہوگئے۔اطلاع ملنے پر ریسکیو ٹیموں نے موقع پر پہنچ کر آپریشن شروع کیا جس کے دوران 20 مسافروں کی لاشیں نکال لی گئی جب کہ دیگر کی تلاش جاری ہے۔گھروال کے کمشنر دلیپ جوالکر نے کہا ہے کہ حادثے کے نتیجے میں مسافر بس مکمل طور پر تباہ ہوگئی اور ہلاک افراد کی تعداد میں بھی اضافے کا امکان ہے۔