روسی میزائل دفاعی نظام 10 روز کے اندر ترکی پہنچ جائے گا

انقرہ ( نیٹ نیوز)ترک صدر رجب طیب اردگان کے مطابق روسی میزائل دفاعی نظام ’ایس چار سو‘ دس روز کے اندر اندر ترکی پہنچ جائے گا۔ قبل ازیں امریکا نے انقرہ حکومت کو خبردار کرتے ہوئے کہا تھا کہ اگر اس نے یہ دفاعی میزائل خریدا تو اس کے خلاف پابندیاں عائد کر دی جائیں گی۔ ترکی نے ان امریکی دھکمیوں کو نظر انداز کر دیا تھا۔ دوسری جانب ترک صدر نے کہا ہے کہ حالیہ ملاقات کے دوران صدر ٹرمپ نے انہیں پابندیاں عائد نہ کرنے کی یقین دہانی کرائی تھی۔ تاہم یہ صرف ترک موقف ہے۔ امریکا نے اس حوالے سے ابھی تک کوئی بیان جاری نہیں کیا۔