ہوہاٹ (آئی این پی) شمالی چین کے خودمختار ریجن داخلی منگولیا میں ٹریفک حادثے کے دوران 6افراد ہلاک اور38زخمی ہوگئے، مقامی حکام کے مطابق حادثہ ہائی وے پر پیش آیا، ایک بس نے کوچ کراس کرنے کی کوشش کی جس کے نتیجے میں وہ مخالف سمت سے آنے والے ٹرک کے ساتھ ٹکرا گئی۔ تینوں گاڑیوں کو آگ لگ گئی ،جس کے باعث 6افراد ہلاک اور38زخمی ہوگئے، 5زخمیوں کی حالت نازک بتائی جاتی ہے۔ مقامی پولیس نے موقع پر پہنچ کر زخمیوںکو ہسپتال پہنچایا، حادثے کی تحقیقات جاری ہے۔