وزیرآباد (نا مہ نگار) پانچ بچوں کی ماں کو خاوند نے پھندا دیکر قتل کر دیا، ملزم گرفتار۔ موضع روڈالہ چیمہ کے رہائشی وارث کو اپنی بیوی 35سالہ شبانہ کوثر کے کردار پر شک تھا جس کی بناء پر گھر میں اکثر لڑائی جھگڑا رہتا۔ گزشتہ روز دونوں میاں بیوی کے درمیان تلخ کلامی ہو ئی تو وارث نے نے طیش میں آ کر اپنی بیوی شبانہ کوثر کے گلے میں پھندا ڈال کر اسے موت کے گھاٹ اتار دیا اور نعش کو گائوں کے باہر جھاڑیوں میں پھینک دیا۔ واقعہ کی اطلاع ملتے ہی تھانہ صدر پولیس وزیرآباد موقع پر پہنچ گئی۔ ملزم وارث کو گرفتار کر لیا اور مقتولہ شبانہ کوثر کی نعش کو جھاڑیوں سے برآمد کر کے تحویل میں لے کر اور پوسٹمارٹم کے لئے تحصیل ہیڈکوارٹر ہسپتال وزیرآباد پہنچا دیا۔