محمد حفیظ، شاداب ، وہاب سمیت 6کرکٹرزکل مانچسٹر روانہ ہوں گے

لاہور(آئی این پی)دورہ انگلینڈ کیلئے کھلاڑیوں کے کورونا ٹیسٹنگ کے دوران مثبت ٹیسٹ آنے والے 6کھلاڑیوں کا گروپ دوبارہ ٹیسٹ منفی آنے کے بعدکل مانچسٹر روانہ ہو گا، فخر زمان، محمد حسنین، محمد حفیظ، محمد رضوان، شاداب خان اور وہاب ریاض قومی ائیر لائن کے ذریعے مانچسٹر روانہ ہوں گے ۔ترجمان پی سی بی کے مطابق چھ کھلاڑیوں پر مشتمل قومی اسکواڈ کا دوسرا گروپ 3 جولائی بروز جمعہ کو قومی ائیر لائن کے ذریعے مانچسٹر روانہ ہوگا۔جہاں ای سی بی ٹیسٹنگ پروگرام کے زیراہتمام کوویڈ19 ٹیسٹنگ میں منفی رزلٹ دینے پر انہیں اسکواڈ کے دیگر کھلاڑیوں کے ساتھ شامل کرلیا جائے گا۔