احمد نگر چٹھہ، زمین کا لالچ، بھائی نے بیٹوں سے ملکر بھائی اور بہن کو مار ڈالا

گوجرانوالہ+  وزیر آباد+  احمد نگر چٹھہ (نمائندہ خصوصی +  نامہ نگاران)  زمین کا لالچ ، بھائی نے بیٹوں سے مل کر بھائی اور بہن کو قتل کر دیا،  ملزمان گرفتار،  خاتون کو قتل  کرنے کے بعد اس کی نعش کو گوبر میں دبا دیا گیا۔ تفصیلات کے مطابق  نواحی  علاقہ کلاسکے کے رہائشی محمد صادق ولد نذیر نے پولیس کو اطلاع کی  نامعلوم افراد نے میرے بھائی کو  فائرنگ کرکے  قتل کر دیا ہے۔ پولیس نے مدعی صادق کی درخواست پر مقدمہ درج کرکے کارروائی شروع کر دی۔ قاتل نے بعدازاں یہ بھی مشہور کیا کہ  میری بہن ممتاز عرف تاج بی بی بھی گھر سے غائب ہے۔ پولیس نے  شک کی بنا پر  مدعی صادق اور اسکے بیٹوں سبحان یدر اور حسین  حیدر  سے پوچھ گچھ کی تو سچ سامنے آ گیا۔ ایس ایچ او  ۔۔۔  اسلم ہنجرا نے میڈیا کوب تایا  4 افراد کو گرفتار کرل یا گیا ہے۔  ملزمان  نے  پہلے لیاقت علی کو قتل کیا۔  بعدازاں سگے  بھتیجوں نے سگی پھوپھی کو گلا دبا کر مار ڈالا۔ نعش  کو گوبر والے گھڑے میں دبا کر پانی چھوڑ دیا اور اوپر پتھر رکھ دیئے۔ مقتول لیاقت بے اولاد تھا جبکہ بہن بیوہ تھی دونوں اکٹھے ڈیرے پر رہائش پذیر تھے۔ دونوں کی عمریں 60  سال سے اوپر ہیں اور دونوں کے نام کئی ایکڑ جائیداد ہے۔ جس کی وجہ سے قتل ہوئے۔