کراچی (نیوز ڈیسک) پاکستان پیپلزپارٹی ڈسٹرکٹ ویسٹ کے صدر لیاقت آسکانی جنرل سیکریٹری علی احمد جان کی زیر اہتمام ویسٹ کے یوسی اور وارڈز کے نو منتخب عہدیداران کے اعزاز میں پروگرام کے انعقاد کیا گیا۔ اس موقع پر سندھ کے صدر نثار کھوڑو کراچی کے صدر سعید غنی جنرل سیکریٹری جاوید ناگوری رابطہ سیکریٹری سندھ نعمان شیخ سٹی ایریا کے انفارمیشن سیکریٹری سید عمران شاہ اور یوسی اور وارڈز کے عہدیداران سمیت کارکنان کی بڑی تعداد نے شرکت کی۔اس موقع پر نو منتخب عہدیداران کو مبارک باد دیتے ہوئے نثار کھوڑو اور سعید غنی نے ہدایات کی کہ پارٹی پالیسی پر مکمل عمل کیا جائے۔ مزید کہا کہ تنظیم نو سے پارٹی مضبوط ہوگی۔ کارکنان بلدیاتی الیکشن کی تیاری کریں۔ اس موقع پر شہید کارکنان کے ایصال ثواب کے لئے دعا بھی کی گئی۔