لاہور (خصوصی نامہ نگار) ملک بھر میں یکم ذوالحجہ امیر المومنین حضرت علیؓ اور حضرت بی بی فاطمہ ؓکے عقد کے موقع پر محفل میلاد منعقد ہوئیں۔ عامر حسین ہاشمی کے زیر اہتمام سبزہ زار میں محفل میلاد ونیاز کا اہتمام کیاگیا اور یہاں مولانا آغا علی حسنین مہدوی نے فضائل علی و بتول بیان کرتے ہو ئے کہا کہ پوری کائنا ت میں اس جیسی دوسری کو ئی جو ڑی نہیں، اللہ تعا لی نے جو فضیلت آپ دونوں کو عطا کی وہ کسی اور کے زمرے میں نہیں آئی ، انکے والدین جیسا بھی کو ئی نہیں۔ ذاکر کا ظم قیصر،خدیش رضا اورذکر علی و دیگر نے بھی اپنے ہدیہ کلام پیش کیے۔