اسلا م آبا د (خصوصی نامہ نگار)امریکی کانگرس رہنما ال گرین کی جانب سے پاکستانی سفیر مسعود خان کی خدمات کے اعتراف سرٹیفیکیٹ آف اسپیشل کانگریشنل ریکیگنیشن سے نوازا گیا ۔ تفصیلا ت کے مطا بق پاکستانی سفیرکو ال گرین کی جانب سے کانگریس کا خصوصی اعترافی سرٹیفیکیٹ ( سرٹیفیکیٹ آف اسپیشل کانگریشنل ریکیگنیشن ) پیش کیا گیا ۔سرٹیفیکیٹ پاکستانی سفیر مسعود خان کو پاکستان اور امریکہ کے درمیان معاشی تعلقات اور ٹریڈ کے فروغ کے اعتراف میں پیش کیا گیا ۔اس مو قع پرکانگریس رہنما ال گرین نے کہا کہ معاشی تعلقات اور ٹریڈ پر مبنی سفارت کاری کے حوالے سے آپ کے عزم کو سلوٹ کرتا ہوں ۔پاکستانی سفیر مسعود خان کی جانب سے کانگریس رہنما ال گرین کا شکریہ ادا کیا گیا۔پاکستانی سفیر نے کانگریس پارلیمانی گروپ (پاک کوکس )کی سربراہ شیلا جیکسن کا پاک امریکہ تعلقات کی مضبوطی کے حوالے سے کاوشوں کا بھی خصوصی طور پر شکریہ ادا کیا ۔پا کستانی سفیر مسعود خان نے کہا کہ پاک امریکہ تعلقات کو مضبوط بنانے میں کانگریس کا کلیدی کردار ہے۔
سرٹیفیکیٹ