ومبلڈن اوپن : اعصام الحق قریشی کی جوڑی کو دوسرے رائونڈ میں شکست 

لاہور(سپورٹس رپورٹر)پاکستان کے ٹینس سٹار اعصام الحق قریشی اور ان کے قزاخستان کے پارٹنر الیگزینڈرنیڈووایسوف کی جوڑی ومبلڈن اوپن ٹینس ٹورنامنٹ کے مینز ڈبلز ایونٹ کے دوسرے رائونڈ میں برازیل کے رافیل فیبرس ڈی میٹوس اور ان کے ہسپانوی جوڑی دار ڈیوڈ ویگا ہرنینڈیزسے ہار کر باہر ہوگئی ۔ اعصام الحق کی جوڑی نے پہلا سیٹ چھ تین سے اپنے نام کیا تو حریف جوڑی نے آٹھ چھ سے کامیابی حاصل کرکے مقابلہ برابر کر دیا ۔ تیسرے سیٹ میں حریف جوڑی کو پانچ تین سے برتری حاصل تھی کہ کھلاڑی ان فٹ ہونے پر مقابلہ روک دیا گیا ۔ بعد ازاں حریف جوڑی کو واک اوور دیدیا گیا ۔