لاہور(نامہ نگار)شفیق آباد پولیس نے لڑائی جھگڑا کے بعد علاقہ میں سر عام اسلحہ لے کر گھومنے والے 6 ملزمان کو گرفتار کر لیاہے۔ پولیس کے مطابق ملزمان کی ویڈیو وائرل ہونے پر واقعہ میں ملوث ملزمان کو فوری گرفتار کیا گیا۔گرفتار ملزمان میں تنویر گوگا، بابر تیلی،احسن تیلی،یاسر گجر، ہیرا گجر سفیان گجر شامل ہیں۔ اسلحہ لہرانے پر علاقہ میں خوف و ہراس پھیل گیا تھا۔ ملزمان کے قبضہ سے غیر قانونی اسلحہ برآمد کرکے مقدمات درج کئے گئے ہیں۔ ملزمان سے تفتیش جاری ہے۔