لاہور(سپورٹس رپورٹر)پاکستانی کھلاڑیوں نے مداحوں کو عید الاضحی خوشی کے موقع پر پیغامات دئیے۔پاکستان کرکٹ ٹیم کے سابق کھلاڑی اور کپتان شاہد آفریدی نے اپنے قربانی کے جانور کے ساتھ ٹوئٹر پر ویڈیو شئیر کی اور ساتھ ہی ہیش ٹیگ کیساتھ مداحوں کو عیدالاضحی کی مبارک باد دی۔ سابق کرکٹر شعیب اختر نے مداحوں کو عید الاضحی کی مبارک باد دیتے ہوئے کہا کہ اللہ تمام مسلمانوں کی قربانی قبول فرمائے۔ گوشت پہ ہاتھ ہولا رکھناپاکستان کرکٹ ٹیم کے نوجوان کھلاڑی شاداب خان نے شائقین کو عید مبارک دیتے ہوئے نیلے رنگ کا لباس اور سیاہ چشمے پہنا۔انہوں نے کیپشن میں لکھا کہ اچھی ماڈلنگ نہ کرنے پر معذرت، اس عید پر خوشیوں کیساتھ ساتھ گوشت بھی تقسیم کریں، ان لوگوں کے بارے میں ضرور سوچیں جنہیں یہ خوشیاں نصیب نہیں ہوتی۔عید کو مناتے ہوئے ان کوگوں کا بھی خیال رکھیں جنہیں یہ خوشیاں نصیب نہیں، ایک دوسرے کی مدد کریں اور ہمیشہ یاد رکھیں کہ صفائی ضروری ہیپاکستان کرکٹ بورڈ کے ٹوئٹر اکانٹ کی جانب سے بابر اعظم کا ویڈیو پیغام جاری کیا گیا جہاں انہوںنے اپنے مداحوں کو عید الاضحی کی مبارک باد دی۔بابر اعظم نے کہا کہ میری اور میری ٹیم کی طرف سے آپ سب کو عید مبارک، خوب انجوائے کریں، آس پاس کے لوگوں کا خیال رکھیں۔بابر اعظم نے لوگوں کو قربانی کے ساتھ اپنی ذمہ داری نبھانے کا مشورہ دیتے ہوئے کہا کہ خاص طور پر صفائی کا خیال رکھیے گا۔ اپنے پیاروں اور غریب غربا کا خیال رکھیئے گا خوب کھائیے پئے گا، صفائی کا خاص خیال رکھیں جانوروں کی آلائشیں باہر نہ پھینکیں۔چیزوں کا غلط استعمال کرینگے باہر گندگی پھیلائیں گے تو ملک کا نقصان ہوگا۔بابر اعظم اس وقت سعودی عرب میں موجود ہیں جہاں انہوں نے اپنے والدین کے ساتھ حج کی سعادت حاصل کی ہے۔ٹوئٹر پر انہوں نے اپنی والدہ کے ساتھ تصویر شئیر کرتے ہوئے لکھا کہ اپنی جنت کے ساتھ خدائے بزرگو برتر کی بارگاہ میں حاضری۔سابق کرکٹر اظہر علی نے ویڈیو پیغام کے ذریعے حج اور عید الاضحی پر مبارک باد دی۔ احمد شہزاد نے اپنے بیٹے کی تصویر شیئر کرتے ہوئے تمام مسلمان بھائیوں اور بہنوں کو عید کی مبارک دی۔