ورلڈ کپ کوالیفائر: سپر سکس مرحلے میں سری لنکا نے نیدرلینڈز کو ہرا دیا

لاہور(سپورٹس ڈیسک)انٹرنیشنل کرکٹ کونسل ورلڈ کپ کوالیفائر کے سپر سکس مرحلے میں سری لنکا نے نیدرلینڈز کو 21رنز سے ہرا دیا۔بلاوائیو میں کھیلے گئے میچ میں سری لنکن ٹیم شروع میں شدید مشکل میں دکھائی دی، پہلی گیند پر اس کی پہلی وکٹ گر گئی، 67رنز پر پہنچا تو آدھی ٹیم پویلین لوٹ گئی۔ دھننجیا ڈی سلوا نے 93رنز کی شاندار اننگزکھیلی، لیکن ٹیم 48ویں اوور میں 213رنز بنا کر آئوٹ ہوگئی، کرونارتنے 33 رنز کیساتھ نمایاں رہے۔نیدرلینڈز کے لوگین وین ویک اور بیس ڈی لیڈ نے تین، تین وکٹیں حاصل کیں۔ہدف کے تعاقب میں نیدرلینڈز کے اوپنرز بغیر رن بنائے لوٹ گئے، پھر ویسلے نے 52اور بیس ڈی لیڈز نے 41رنز بنائے، کپتان سکاٹ ایڈورڈز ایک اینڈ پر کھڑے رہے تاہم دوسری جانب سے وکٹیں گرتی گئیں، ٹیم 192رنز بنا کر آوٹ ہوگئی، ایڈورڈز 67 رنز بنا کر ناٹ آئوٹ رہے۔