فیروزوالہ:5 عورتیں ، ایک نوجوان اغوا ،خاتون4بچوں سمیت آشنا کیساتھ فرار

فیروزوالہ( نامہ نگار) سرکل فیروز والا کے علاقے میں 5 عورتیں اور ایک نوجوان اغوا جبکہ ایک خاتون اپنے 4 بچوں سمیت آشنا کے ساتھ فرار ہوگی بتایا گیا ہے کہ تھانہ فیروز والاکی آبادی درگاہی گل میں نامعلوم افراد نے محنت کش محمد اسلم کی جواں سالہ بیٹی(م) کو اغوا کر لیا۔ جی ٹی روڈ کی آبادی رانا ٹاؤن میں نامعلوم افراد نے مسجد جانیوالے نوجوان عامشں علی کو اغوا کر لیا۔پرانا ٹول پرانا کے قریب 4 بچوں کی ماں(ن) بچوں سمیت اپنے آشنا کے ساتھ فرار ہوگئی۔ لاہور روڈ کی آبادی اقبال ٹاؤن میں منیرنے اپنے دیگر ساتھیوں کی مدد سے محنت کش عرفان کی بیوی(ش) کو اغوا کر کے فرار ہو گئے۔ ٹاؤن میں نامعلوم افراد نے محنت کش خیرایت علی کی جواں سالہ بیٹی(ف) کو اغوا کر لیا ۔