تیزرفتار ٹریکٹر ٹرالی نے 12سالہ بچے کو کچل ڈالا،اہل علاقہ سراپا احتجاج  

لاہور(نامہ نگار)سندر کے علاقے میں تیزرفتار ٹریکٹر ٹرالی نے سڑک عبور کرتے ہوئے 12سالہ بچے یوسف کو کچل ڈالا۔جس سے بچہ موقع پر جاں بحق ہوگیا ہے۔ڈرائیور ٹریکٹر ٹرالی چھوڑ کر موقع سے فرارہو گیا۔اطلاع ملنے پر پولیس نے موقع پر پہنچ کرنعش قبضے میں لے کر پوسٹ مارٹم کیلئے مردہ خانے منتقل کر کے تفتیش شروع کردی ہے۔ پولیس نے ٹریکٹر ٹرالی کو بھی قبضہ میں لیکر ڈرائیو ر کی تلا ش شروع کر دی ہے۔علاوہ ازیں بچے یوسف کی ہلاکت پر کے ورثا اور اہل علاقہ سراپا احتجاج بن گئے اور انہوں نے ملتان روڈ بلاک کر کے شدید احتجاج کیا۔جس سے وہاں ٹریفک جام اور گاڑیوں کی لمبی قطاریں لگ گئیں۔