حافظ آباد:دانش سکول میںسمر کیمپ کے نام پر کلاسز ، والدین سراپا احتجاج  

حافظ آباد(نمائندہ نوائے وقت) سنٹر آف ایکسی لینس /دانش سکول میں شدید گرمی وحبس میں سمر کیمپ کے نام پر کلاسز شروع کئے جانے پر والدین سراپا احتجاج بن گئے۔ والدین نے شدید احتجاج کرتے ہوئے کہا کہ حکومت نے ایک طرف موسم گرما کی تعطیلات کررکھی ہیں لیکن دوسری جانب اس شدید گرمی وحبس میں سنٹر آف ایکسی لینس /دانش سکول میں طلبہ کی کلاسز شروع کرکے والدین کو پریشان کرکے رکھ دیا ہے ۔والدین کا کہنا تھا کہ قیامت خیز گرمی میں انکے بچے نہ صرف نڈھال ہوکر بیمار ہورہے ہیں بلکہ انکے لئے گھروں سے باہر جانا بھی محال بن گیا جس سے والدین شدید کرب میں مبتلا ہوچکے ہیں۔ انہوںنے مطالبہ کیا کہ دانش سکول میں سمر کیمپ کی آڑ میں شروع کی گئی کلاسز کو فوری نوٹس لیکر انہیں ختم کروایا جائے اور سکول انتظامیہ کے خلاف کاروائی عمل میں لائی جائے۔