فیروزوالہ (نامہ نگار )تھانہ فیروز والا کی آبادی ونڈالہ دیال شاہ میں3 دوستوں نے ساتھیوں کی مدد سے تشدد کر کے اپنے دوست نوجوان سلطان کو قتل کر دیا  اورفرار ہو گئے۔ پولیس رپورٹ میں مقتول کے باپ وارث علی نے بتایا ہے کہ اس کا نوجوان بیٹا محمد سلطان اپنے گھر میں موجود تھا کہ اس کے دوست بلال وغیرہ گھر پر آئے اسے اپنے ساتھ گھر سے باہر لے گئے ‘بلال‘ نعیم شاہ اور اسامہ نے اپنے دیگر ساتھیوں کی مدد محمد سلطان کو تشدد کا نشانہ بنایا‘ جس سے وہ بے ہوش ہو گیا جسے ملزم بے ہوشی کی حالت میں اسے کے گھر کے باہر پھینک کر فرار ہوگئے ‘ یہاں پر وہ بے ہوشی کی حالت میں دم توڑ گیا ۔ پولیس نے وارث علی کی رپورٹ پر ملزم بلال، نعیم شاہ اور اسامہ وغیرہ کے خلاف قتل کا مقدمہ درج کر لیا۔