ماموں کانجن: نادہندہ کامیٹر اتارنے والی ٹیم پر حملہ‘لائن سپرنڈنٹ زخمی 

ماموں کانجن(نامہ نگار)فیسکو نادہندہ نے میٹر اتارنے کیلئے جانیوالی ریکوری ٹیم پر ساتھیوں کی مدد سے حملہ کرکے لائن سپرنڈنٹ کو زخمی کردیا۔ کپڑے پھاڑ دیئے اور جیب سے پیسے بھی نکال لئے ایس ڈی او اشفاق علی میمن نے ملزموں کے خلاف مقدمہ درج کرادیا ہے ‘ایف آئی آر کے مطابق مقامی فیسکو آفس کا لائن سپرنڈنٹ صدام حسین لائن مین قیصرکے ہمراہ چار ماہ کے بل 28ہزار227روپے کے نادہندہ غلام قادر کورائی کا میٹر اتارنے چک510گ ب میں گیا جہاں موقع پر موجود ریحان ولد نیک محمد کورائی نے انہیں میٹر اتارنے سے روکتے ہوئے کہا کہ ہم نے بل کی رقم بھی ادانہیں کرنی اور میٹر بھی نہیں اتارنے دینا اسی دوران اس نے ایل ایس کو دھکا دیتے ہوئے گالی گلوچ کرنے لگا اور دست و گریبان ہو کر کپڑے پھاڑ دئے اور بھائی شاہد اور دیگر3نامعلوم افراد کے ہمراہ گھونسوں اور لاتوں سے تشدد شروع کردیا ۔