پاکستان کرکٹ بورڈ (پی سی بی) نے 12 کرکٹرز کو عدم اعتراض سرٹیفکیٹ (این او سی) جاری کردیے، کرکٹرز کو این او سی مختلف لیگز میں شرکت کےلیے جاری کیے گئے۔
این او سی حاصل کرنے والے کرکٹرز میں ابرار احمد، فخر زمان، حارث رؤف، محمد عامر، محمد حارث، محمد حسنین، سلمان علی آغا، شاداب خان، شرجیل خان، صہیب مقصود، اسامہ میر اور زمان خان شامل ہیں۔
ابرار احمد کو میجر کرکٹ لیگ کےلیے 4 سے 28 جولائی تک این او سی جاری کیے گئے ہیں۔
فخر زمان کو سی پی ایل کے لیے 29 اگست سے 6 اکتوبر تک این او سی جاری کیا گیا ہے۔
