لندن (اے پی پی) آئی سی سی چیمپئنز ٹرافی 2013، پاکستان اپنا دوسرا وارم اپ میچ کل جنوبی افریقہ کے خلاف کھیلے گا، یہ میچ لندن کے مقام پر ہوگا۔ تفصیلات کے مطابق چیمپئنز ٹرافی کا آخری ایڈیشن 6 جون سے شروع ہوگا، ایونٹ سے قبل وارم اپ میچوں کا سلسلہ جاری ہے، پاکستان اور جنوبی افریقہ کے درمیان میچ (کل) پیر کو کیننگٹن اوول، لندن میں کھیلا جائے گا۔ اس سے قبل پاکستان اور سری لنکا کے درمیان میچ بارش کی نذر ہو گیا تھا۔ 4 جون کو آخری دو وارم اپ میچ کھیلے جائیں گے، پہلا میچ سری لنکا اور ویسٹ انڈیز کے درمیان کھیلا جائے گا جبکہ دوسرے میچ میں بھارت اور آسٹریلیا کی ٹیمیں آمنے سامنے ہوں گی۔