فرنچ اوپن : نڈال‘ کلک‘ ڈیل پوٹرو‘ کیون اینڈرسن اور اسز تیسرے مرحلے میں داخل

پیرس (اے پی پی) سپین کے عالمی نمبر ایک رافیل نڈال، کروشیا کے مارین کلک، ارجنٹائن کے جان مارٹن ڈیل پوٹرو، جنوبی افریقہ کے کیون اینڈرسن اور امریکا کے جان اسنر فرنچ اوپن مینز سنگلز تیسرے رائونڈ میں پہنچ گئے۔ مینز سنگلز ایونٹ کے دوسرے رائونڈ میچز میں رافیل نڈال نے ارجنٹائن کے گائیڈو پیلا کو سٹریٹ سیٹس میں 6-2، 6-1 اور 6-1 سے ہرا کردیا۔ کروشین کھلاڑی مارین کلک نے پولینڈ کے ہیوبرٹ کو 6-2، 6-2، 6-7(3-7) اور 7-5 سے ہرا کر تیسرے رائونڈ تک رسائی حاصل کی، ارجنٹائن کے جان مارٹن ڈیل پوٹرو نے فرانس کے جولین بینیٹیو کو سٹریٹ سیٹس میں 6-4، 6-3 اور 6-2 سے شکست دی، ایک اور میچ میں جنوبی افریقہ کے کیون اینڈرسن نے یوروگوئے کے پابلو کیوواس کو6-3، 3-6،7-6(7-5) اور 6-4 سے ہرا کر میگا ایونٹ کے تیسرے رائونڈ تک رسائی حاصل کی، امریکا کے جان اسنر نے بھی میگا ایونٹ کے تیسرے رائونڈ تک رسائی حاصل کرلی ہے، انکی فتح کا سکور 6-7(8-10)، 7-6(7-4)، 7-6(7-2) اور 6-2 رہا۔ سیمونا ہالپ ، سرینا ولیمز، ماریا شیراپووا، سمانتھا سٹوسر،انجلیق کربر، پلیسکووا اور ریباریکووا فرنچ اوپن ویمنز سنگلز تیسرے رائونڈ میں پہنچ گئیں ۔ویمنز سنگلز دوسرے رائونڈ میچز میں رومانوی کھلاڑی سیمونا ہالپ نے امریکا کی ٹیلر ٹائونسنڈ کو شکست دیکر تیسرے رائونڈ کے لئے کوالیفائی کرلیا، انکی فتح کا سکور 6-3 اور 6-1 تھا، امریکا کی نامور ٹینس سٹار اور سابق عالمی نمبر ایک سرینا ولیمز نے آسٹریلوی ایسلے بارٹے کو 3-6، 6-3 اور 6-4 سے ہرا کر تیسرے رائونڈ کیلئے کوالیفائی کرلیا۔ روسی ٹینس کوئین ماریا شیراپووا نے کروشیا کی ڈونا ویکک کو سٹریٹ سیٹس میں 7-5 اور 6-4 سے ہرا کر تیسرے رائونڈ کے لئے کوالیفائی کیا۔ آسٹریلیا کی سمانتھا سٹوسر نے روس کی اناستاسیا پائولیچنکووا کو شکست دی، ایک اور میچ میں انجلیق کربر نے بگوڈن کو 6-2 اور 6-3 سے ہرا دیا، دوسرے رائونڈ کے دیگر میچوں میں گورجس، تسورینکو، موگوروزا، گارشیا، مرٹنز، پیٹکوویک اور پلیسکووا نے کامیابی حاصل کر کے تیسرے رائونڈ کے لئے کوالیفائی کرلیا۔