شکار پور : صوبہ سندھ کے شہر شکار پور میں ڈاکو اور پولیس کے درمیان فائرنگ کے تبادلے سے ایس ایچ او سمیت 2 اہلکار شہید ہوگئے۔
تفصیلات کے مطابق شکار پور کے قریب کچے کے علاقے میں پولیس اور ڈاکوؤں کے درمیان مقابلہ ہوا۔جس کے نتیجے میں ایس ایچ او غلام مرتضی میرانی، لکھی غلام شاہ اور ای ایس آئی ذوالفقار پہنور شہید اور 3پولیس اہلکار زخمی ہوگئے۔زخمی پولیس اہلکاروں میں جہانزیب ،صدام اور رسول بخش شامل ہیں جبکہ ڈاکو موقع سے فرار ہوگئے۔
پولیس کا کہنا ہے کہ واقعے کے بعد علاقے میں خوف و ہراس پھیل گیا تاہم کچے کے علاقے شاہ بیلو کا محاصرہ کرتے ہوئے پولیس کی بھاری نفری کو طلب کرلیا گیا ہے۔