گوادر کے 28اسکولوں میں اسکولز بیگز اور کاپیاں تقسیم کرنے کی تقریب

گوادر(بیورو رپورٹ)سماجی تنظیم انسائیڈ گوادر سوشل فورم گوادر کے زیر اہتمام پاکستان آرمی 440برگیڈ کے تعاون سے گوادر کے 28اسکولوں کے دو سو سے زائد طلباء وطالبات میں اسکولز بیگز اور کاپیاں تقسیم کرنے کی تقریب منعقد ہوئی۔ تقریب میں ڈپٹی کمشنر گوادر کیپٹن(ر) جمیل احمد‘برگیڈیئر فہد منصور‘ میر عبدالغفور کلمتی ویلفیئر ٹرسٹ کے چیئرمین میر ارشد کلمتی، ضلعی افسر تعلیم عزیز الرحمن، ضلعی افسر تعلیم بلقیس سلیمان ‘ سماجی تنظیموں کے نمائندوں سمیت طلباء وطالبات نے شرکت کی۔ تقریب میں مقررین نے تعلیمی ترقی کیلئے دو سو سے زائد طلباء وطالبات کو لاکھوں روپے کے اسکولز بیگز اور کاپیاں فراہم کرنے پر سماجی تنظیم انسائیڈ گوادر سوشل فورم اور پاک آرمی 440 برگیڈ کے برگیڈیئر فہد منصور کے جذبے کو سراہا ۔اس موقع پر میر ارشد کلمتی نے گوادر کے طلبہ کیلئے 2ہزار کاپیاں فراہم کرنے کا اعلان بھی کیا۔ آخر میںبرگیڈیئر فہد منصور نے گوادر کے انڈر 16کرکٹ پلیئر ز کی اسپورٹس ٹریننگ کیلئے کوئٹہ روانگی ‘رہائش و دیگر اخراجات برداشت کرنے کا بھی اعلان کیا۔