نشتر میڈیکل کالج سے گریجوایشن کرنیوالے ڈاکٹرزکیلئے ہاؤس جاب کے انٹرویوز مکمل

ملتان(خصوصی رپورٹر ) نشتر میڈیکل کالج سے گریجوایشن کرنے والے ڈاکٹرز کے لیے ہاؤس جاب کے انٹرویوز کا مرحلہ مکمل۔ تفصیلات کے مطابق حال میں نشتر میڈیکل کالج سے گریجوایشن کرنے والے ڈاکٹرز کے لیے ہاؤس جاب کے انٹرویوز گزشتہ روز پروفیسر ڈاکٹر مہناز خاکوانی چیئر پرسن شعبہ امراض نسواں نشتر میڈیکل یونیورسٹی کی سربراہی میں منعقد ہونے۔ نشتر میڈیکل یونیورسٹی کے حیات ظفر آڈیٹوریم میں منعقدہ ان انٹرویوز میں 318 ڈاکٹرز کو انٹرویوز کے بعد مختلف شعبہ جات الاٹ کیے گئے ہیں اور انہیں فوری طور پر متعلقہ شعبوں میں رپورٹ کر نے کی ہدایت کی گئی ہے۔ پروفیسر ڈاکٹر مسعود الرؤف ہراج سمیت نشتر میڈیکل یونیورسٹی کے سینئر فیکلٹی ممبران بھی اس موقع پر وہاں موجود تھے۔