کراچی (نیوز رپورٹر)  نیو کراچی انڈسٹریل ایریا  میں پولیس مقابلہ میںدوڈاکو زخمی حالت میں گرفتار کرلئے گئے جنہیں،عباسی ہسپتال منتقل کیا گیا۔ زخمی ڈاکوؤں کی شناخت ممتاز ولد جان محمد عمر 30 سال اور جمیل ولد وزیر علی عمر 27سال کے ناموں سے ہوئی۔ ملزمان واردات کی نیت سے گھوم رہے تھے۔ پولیس نے مشتبہ جان کر روکنے کی کوشش کی تو ملزمان پولیس پر فائرنگ کرتے ہوئے فرار ہونے لگے۔ پولیس نے تعاقب کیا اور جوابی فائرنگ کرتیہوئے دونوں ڈاکوؤں کو زخمی حالت میں گرفتار کرلیا۔ ملزمان کے قبضے سے 2 عدد TT پسٹل 30 بور لوڈ میگزین اور موٹر سائیکل برآمد کی گئی۔ ملزمان کو فوری  علاج معالجہ کے لئے ہسپتال منتقل کر دیا گیا۔ ابتدائی انٹیروگیشن میں معلوم ہوا کہ ملزمان پہلے بھی متعدد بار گرفتار ہوچکے ہیں اور ریکارڈ یافتہ ہیں۔ ملزمان کے خلاف مقدمات درج کر کے تفتیش کا آغاز کردیا گیا۔