فیصل آباد (نمائندہ خصوصی) فیصل آباد میں چک جھمرہ کے قریب میانوالی ایکسپریس کی بوگی پٹڑی سے اتر کر الٹ گئی جس سے 10 مسافر شدید زخمی ہو گئے۔ فیصل آباد سے میانوالی جانے والی میانوالی ایکسپریس کی بوگی چک جھمرہ ڈوگراں پھاٹک کے قریب اچانک الٹ گئی۔ حادثہ کے دوران ٹرین میں سوار بچوں اور خواتین سمیت دس افراد شدید زخمی ہو گئے جنہیں ریسکیو اہلکاروں نے طبی امداد کے لیے ہسپتال منتقل کر دیا ہے۔ حادثہ کی وجوہات جاننے کے لیے ریلوے پولیس اور قانون نافذ کرنے والے اداروں نے تحقیقات کا آغاز کر دیا ہے۔ ریسکیو ذرائع کے مطابق زخمیوں میں29 سالہ ذاکر، 40 سالہ طاہرہ، 36 سالہ رضوانہ، 17 سالہ حجاب، 45 سالہ سلمہ، 26 سالہ مکرم، 17 سالہ مناہل، 14 سالہ ذوہیب، 64 سالہ بابر اور 55 سالہ نادر شامل ہیں۔
بوگی