مدینہ منورہ (اے پی پی)سعودی وزارت حج وعمرہ نے کہا ہے کہ دو لاکھ سے زیادہ عازمین حج مدینہ منورہ پہنچ چکے ہیں،  سعودی خبررساں ادارے نے  سعودی وزارت حج وعمرہ کی جانب سے جاری کردہ اعداوشمار کے حوالے سے بتایا ہے کہ حج سیزن کےآغاز سے اب تک دولاکھ سے زیادہ حج زائرین مدینہ منورہ پہنچ چکے ہیں جن میں سے ایک لاکھ 25 ہزارحج زائرین امیر محمد بن عبدالعزیز انٹرنیشنل ایئرپورٹ مدینہ منورہ جبکہ سات ہزار سے زیادہ زمینی راستے سے مدینہ پہنچے ہیں۔مدینہ پہنچنے والوں میں سے سب سے زیادہ حج زائرین کا رتعلق انڈونیشیا سے ہے جبکہ اس حوالہ سے بھارت دوسرے ، پاکستان تیسرے اور بنگلہ دیش چوتھے نمبر پر ہے۔واضح رہے کہ 20 ہزار سے زیادہ حج زائرین مسجد نبوی کی زیارت کے بعد مکہ مکرمہ روانہ ہوچکے ہیں۔