لاہور،دائرہ دین پناہ (نامہ نگار+نمائندہ خصوصی)کباڑ خانہ میں پراسرار دھماکہ، ایک ہی خاندان کے 6 افراد جاںبحق جبکہ تین افراد شدید زخمی حالت میں ہسپتال منتقل،آئی جی نے دھماکے کی رپورٹ طلب کر لی۔تفصیلات کے مطابق دائرہ دین کا نواحی علاقہ چاہ لطفے والہ پر کباڑ خانہ میں کام کرتے اچانک پراسرار دھماکہ ہوگیا، جس سے 45 سالہ بلال، 40 سالہ حسینہ بی بی ، 3 سالہ سعیدہ، 32 سالہ اقبال، 30 سالہ شانو موقع پر جاںبحق ہوگئے۔ ریسکیو ٹیم نے زخمیوں امیر بی بی زوجہ عبدالحمید، اسلم ولد نور محمد، عزیز بی بی زوجہ اقبال کو شدید زخمی حالت میں ہسپتال منتقل کر دیا۔ زخموں کی تاب نہ لاتے ڈیڑھ سالہ فرحان ولد اسلم بھی خالق حقیقی سے جا ملا تاہم دھماکے کی وجوہات سامنے نہ آسکیں۔ علاقہ مکینوں کے مطابق سکریپ نکالتے وقت بارودی مواد پھٹ گیا۔