لاہور(نامہ نگار)انسپکٹر جنرل پولیس پنجاب کی ہدایت پر راجن پور پولیس کا کچہ آپریشن 54 ویں روز بھی جاری رہا اور پولیس ٹیموں نے مجرموں کی کمیں گاہوں کے خاتمے کےساتھ مسلسل پیش قدمی اور ٹارگٹڈ آپریشنزکا سلسلہ جاری رکھا۔ ڈاکٹر عثمان انور نے ہدایت کی ہے کچہ کے علاقوں میں روپوش ڈاکوو¿ں کا مکمل صفایا کر کے آپریشن کو کامیابی سے ہمکنار کریں۔ ترجمان پنجاب پولیس کے مطابق کچہ آپریشن میں اب تک7 ڈاکو ہلاک، 25 سرنڈر سمیت 43 ڈاکو گرفتارجبکہ 9 مغویوں کو بھی بازیاب کرایا گیا ہے،جزیرہ نما کچی کپڑا میں پولیس کا سرچ آپریشن اور کلئیر کرانے کا سلسلہ تا حال جاری ہے اور آر پی او ڈیرہ غازی خان کی زیر کمانڈ پولیس دستے موضع مندھری اور چک کڑیہ کی جانب پیش قدمی کر رہے ہیں۔ ترجمان پنجاب پولیس نے مزیدکہاکہ مندھری اور چک کڑیہ کا مکمل گھیراو¿ کر لیا گیا ہے جبکہ مورچہ بند ڈاکوو¿ں کی جانب سے شدید فائرنگ کا تبادلہ اور سخت مزاحمت جاری ہے۔ آر پی او کیپٹن ریٹائرڈ سجاد حسن نے کہاہے راجن پور کچہ میں جاری آپریشن اپنے حتمی مراحل میں داخل ہو چکا ہے۔
کچہ آپریشن