لاہور(سپورٹس رپورٹر)اسلام آباد میں تعینات امریکی سفیر ڈونلڈ بلوم نے ٹی ٹونٹی ورلڈ کپ میں پاکستان ٹیم کیلئے نیک خواہشات کا اظہار کرتے ہوئے کہا ہے کہ پاکستان میں کرکٹ کیلئے بے انتہا محبت اور جنون دیکھا ہے۔انہوںنے کہا کہ حال ہی میں پاکستان کرکٹ ٹیم کیساتھ ملاقات کی جس میں کھلاڑیوں سے چند بائولنگ اور بیٹنگ ٹپس سیکھیں۔ پاکستان میں کرکٹ کیلئے بے انتہا محبت اور جنون دیکھاہے، موسم گرما میں ہر کھلی جگہ پرپاکستان میں کرکٹ کھیلی جاتی، پاکستان، امریکہ دونوں ہی کھیلوں کیلئے محبت رکھنے والے ملک ہیں۔ امریکہ پہلی بار ٹی ٹونٹی ورلڈکپ کی میزبانی کریگا، امید ہے میچز دلچسپ ہوں گے، ٹی ٹونٹی ورلڈکپ کیلئے کپتان بابر اعظم اور ٹیم پاکستان کیلئے میری نیک خواہشات ہیں۔