نئی دہلی (کے پی آئی )بھارت نے چین کی طرف سے اسکی سرحد کے ساتھ جدید ترین جے۔20 جنگی طیارے تعینات کرنے کا دعوی کیا ہے ۔ بھارت کے نجی ٹی وی چینل نے دعوی کیاہے کہ چین نے بھارت کی سرحد سے 150 کلو میٹر کے فاصلے پر سکم میں چھ ففتھ جنریشن جے۔20 جے۔20،10جے ۔10اور ایک جے ۔500جنگی طیارے تعینات کئے ہیں ۔جے۔20اسٹیلتھ ٹیکنالوجی سے لیس ہیں۔ سیٹلائٹ مناظر کے حوالے سے نشر کی گئی ایک خبر میں دعوی کیاہے کہ چین نے جنگی طیارے تبت کے شہر شیگازی میں فوجی و سول خدمات کے ہوائی اڈے پر تعینات کئے ہیں۔12ہزار408فٹ کی بلندی پر واقع یہ ہوائی اڈہ دنیا کے بلند ترین ہوائی اڈوں میں بھی شامل ہے۔