تحصیل غازی کے پہاڑی سلسلے میں خوفناک آتشزدگی، لاکھوں درخت جل گئے  

 اسلام آباد؍ تربیلا (نوائے وقت رپورٹ) تحصیل غازی کے موضع گھاڑہ کے پہاڑی سلسلہ پر  خوفناک آگ بھڑک اٹھی جس نے پہاڑی سلسلے کے وسیع رقبہ کو اپنی لپیٹ میں لے لیا۔ لاکھوں مالیت کے درخت جل گئے۔ پہاڑی سلسلہ پر موجود شدید ہوا کے باعث موضع گھاڑہ کی پرانی آبادی کی طرف بھی رخ کر لیا۔ مارگلہ کی پہاڑیوں پر لگنے والی آگ کے ایک حصے پر مکمل قابو پا لیا گیا ہے۔ ڈپٹی کمشنر نے کہا ہے کہ آگ فیصل مسجد کے عقب میں گاندیاں گاؤں کی پہاڑیوں پر لگی جس پر قابو پا لیا گیا۔ نیول ہیڈ کوارٹرز کے قریب کنیجل گاؤں کی پہاڑیوں پر بھی آگ بھڑکی جس پر جلد مکمل طور پر قابو پا لیا  جائے گا۔