لاہور(نامہ نگار)سی سی پی او لاوہوربلال صدیق کمیانہ کی ہدایات پر میرٹ اور سنیارٹی پر پورا اترنے والے پولیس ملازمین کی ترقی کا سلسلہ بلا تعطل جاری ہے۔ کیپٹل سٹی پولیس ہیڈ کوارٹرزمیں کانسٹیبل سے ہیڈ کانسٹیبل کے رینک پر پروموٹ ہونے والے پولیس اہلکاروں کو بیجز لگانے کی تقریب منعقد ہوئی۔ ایس ایس پی(ایڈمن) عاطف نذیر نے ترقی پانے والے اہلکاروں کو پروموشن رینک کے بیجز لگائے۔سربراہ لاہور پولیس بلال صدیق کمیانہ نے مبارک باد دیتے ہوئے کہا کہ میرٹ اور سنیارٹی کے مطابق لاہور پولیس کے ونگز کے تمام رینکس پر ترقی کا عمل جاری ہے۔ ترقی پانے والے پولیس ملازمین جذبہ خدمت خلق سے اپنے فرائض سر انجام دیں۔ دفتری امور، پبلک سروس ڈلیوری، مالی معاملات میں شفافیت، غیر جانبداری اور میرٹ کو ہر صورت یقینی بنائیں۔ پروموٹ ہونے والے پولیس اہلکاروں نے شہریوں کی خدمت اور تحفظ کو ہر صورت یقینی بنانے کے عزم کا اعادہ کیا۔