گوجرانوالہ: فیکٹری کے گودام میں آگ لگنے سے کاغذ کا سکریپ جل گیا

گوجرانوالہ(نمائندہ خصوصی ) پیکنگ مٹیریل فیکٹری کے گودام میں آگ لگنے سے کاغذ کا سکریپ جل کر خاکستر ہو گیا ،ریسکیو کے فائر فائیٹرز نے طویل جدوجہد کے بعد بھڑکتی آگ پر قابو پا لیا تفصیلات کے مطابق کھیالی کے علاقہ تاراں والا گلہ میں واقع پیکنگ میٹریل فیکٹری کے گودام میں اچانک آگ بھڑک اٹھی جس نے دیکھتے ہی دیکھتے ایک کنال پر محیط گودام کو اپنی لپیٹ میں لے لیا ،آگ لگنے کے باعث بڑی مقدار میں کاغذ کا سکریپ جل کر خاکستر ہو گیا ،اس بارے علم ہونے پر ریسکیو کے فائر فائٹرز بھی موقع پر پہنچ گئے جنہوں نے طویل جدو جہد کے بعد بھڑکتی ہوئی آگ پر قابو پا لیا ۔