ٹور میچ : اانگلینڈ نے نیوزی لینڈ الیون کیخلاف 333 رنز کی برتری حاصل کر لی

 کوئنزٹاﺅن (اے پی پی)ا نگلینڈ الیون نے نیوزی لینڈ الیون کے خلاف ٹور میچ کے تیسرے روز کھیل ختم ہونے تک دوسری اننگز میں 9 وکٹ پر 256 رنز بنا لئے، انگلینڈ کو حریف ٹیم کے خلاف مجموعی طور پر 333 رنز کی برتری حاصل کر لی۔نیوزی لینڈ الیون نے انگلینڈ الیون کی پہلی اننگز 426 رنز کے جواب میں اپنی پہلی اننگز 349 رنز 7 کھلاڑی آﺅٹ پر ڈیکلیئر کر دی تھی۔ بی جے واٹلنگ 66 رنز بنا کر ناٹ آﺅٹ رہے۔ گریم سوان نے دو وکٹیں حاصل کیں۔ انگلینڈ نے دوسری اننگز میں 9 وکٹ پر 256 رنز بنا کر مجموعی طور پر 333 رنز کی برتری حاصل کر لی، میٹ پرائر 68 رنز بنا کر نمایاں رہے۔ گریم سوان 41 رنز کے ساتھ وکٹ پر موجود ہیں۔