دبئی اوپن ٹینس ٹورنامنٹ : نووک جوکووک‘ ٹام برڈچ فائنل میں مدمقابل

دبئی (سپورٹس ڈیسک) ٹام برڈچ اور نووک ڈجکووک نے دبئی اوپن ٹینس ٹورنامنٹ کے فائنل کیلئے کوالیفائی کر لیا۔ پہلے سیمی فائنل میں نووک جوکووک نے ڈیل پیٹرو کو چھ تین اور سات چار سے شکست دی۔ دوسرے سیمی فائنل میں ٹام برڈچ نے راجر فیڈرر کو تین چھ، دس آٹھ اور چھ چار سے شکست دی۔ ڈبلز مقابلوں میں بھوپاتھی اور لوڈرا کی جوڑی نے سیمی فائنل میں بوپنا اور رام کی جوڑی کو چھ تین، دو سات اور دس پانچ سے شکست دیکر فائنل کیلئے کوالیفائی کر لیا۔ لنڈسٹیٹ اور زیمونک کی جوڑی نے ارلچ اور ژوژہنی کی جوڑی کو سات دو اور سات دو سے شکست دیکر فائنل کھیلنے کا اعزاز حاصل کر لیا۔