پشاور زلمی نے اسلام آباد یونائیٹڈ، کوئیٹہ گلیڈی ایٹرز نے ملتان سلطانز کو شکست دے دی

دبئی (نمائندہ سپورٹس)پاکستان سپر لیگ کے 21ویں میچ میں پشاور زلمی نے اسلام آباد یونائیٹڈ کو سنسنی خیز مقابلے کے بعد 4 وکٹوں سے شکست دے دی۔کوئٹہ گلیڈی ایٹرز نے ملتان سلطانز کو چھ وکٹوں سے ہرا دیا ۔ دبئی میں کھیلے جانے والے میچ میں پشاور زلمی کے کپتان ڈیرن سیمی نے ٹاس جیت کر فیلڈنگ کا فیصلہ کیا ۔اسلام آباد یونائیٹڈ کے لیوک رونکی تو اپنا جادو نہ چلا سکے اور 9 رنز بنانے کے بعد حسن علی کی گیند پر ابتسام شیخ کی گیند پر عمر امین کو کیچ دے بیٹھے۔تاہم گزشتہ چند میچوں سے مسلسل ناکامی کا سامنا کرنے والے کیمرون ڈیلپورٹ نے اس مرتبہ 71 رنز کی ذمہ دارانہ اننگز کھیل کر لیوک رونکی کے نقصان کو پورا کیا۔انہوں نے پہلے 28 رنز بنانے والے فلپ سالٹ کے ہمراہ 46 رنز کی پارٹنرشپ جبکہ 22 رنز بنانے والے والٹن کے ہمراہ 73 رنز کی پارٹنرشپ قائم کرکے ٹیم کو بڑے سکور کی جانب گامزن کیا۔کمیرون ڈیلپورٹ 71 رنز بنانے کے بعد 17ویں اوور میں حسن علی کی گیند پر کیچ ا?ؤٹ ہوئے تھے، تو آصف علی نے 2 چھکوں کی مدد سے 23 رنز بنائے۔وہاب ریاض نے زلمی کی جانب سے آخری اوور کروایا اور اس اوور میں یونائیٹڈ کے 4 کھلاڑی آؤٹ ہوئے۔اسلام آباد یونائٹیڈ نے پانچ وکٹوں کے نقصان پر 176رنز بنائے ۔ وہاب ریاض ‘احسن علی اور ابتسام شیخ نے دو دو کھلاڑیوں کو آئوٹ کیا ۔ پشاور زلمی نے ہدف چھ وکٹوں کے نقصان پرپورا کرلیا ۔ ڈاسن نے ناقابل شکست 52 رنز کی اننگز کھیلی ۔ انہو ں نے آخری گیند پر چوکا لگاکر ٹیم کو کامیابی دلائی ۔ کپتان ڈیرن سیمی چالیس ‘کامران اکمل انیس ‘آندرے فلیچر اکیس ‘امام الحق پندرہ ‘عمر امین چھ ‘کیرن پولارڈ ایک رن بناکرآئوٹ ہوئے ۔ ظفر گوہر اور شاداب خان نے دو دو کھلاڑیوں کو آئوٹ کیا ۔ ڈاسن کو میچ کا بہترین کھلاڑی قرار دیا گیا ۔ کوئٹہ گلیڈی ایٹرز نے ملتان سلطانز کو 6 وکٹوں سے شکست دیدی۔ کوئٹہ گلیڈی ایٹرز کے کپتان سرفراز احمد نے ٹاس جیت کر فیلڈنگ کرنے کا فیصلہ کیا تھا۔ ملتان سلطانز کے جیمز وینس 9 رنز بنانے کے بعد محمد نواز کی گیند پر بولڈ ہوگئے۔عمر صدیق اور جانسن چارلس نے 62 رنز کی شراکت قائم کرکے خسارے کو کم کیا۔عمر صدیق 14 رنز بنانے کے بعد کیچ آؤٹ ہوئے تو جانسن چارلس بھی 75 کے مجموعے پر 46 رنز بنا کر ایل بی ڈبلیو ہوگئے۔ 21 رنز کی اننگز کھیلنے والے شعیب ملک کے علاوہ کو8کھلاڑی 10 کے ہندسے میں بھی داخل نہیں ہوسکا۔شعیب ملک 112 کے مجموعے پر آؤٹ ہوئے تو ان کے بعد جیسے سلطانز نے کھیلنا ہی چھوڑ دیا۔آخری 2 اوورز کے دوران 9 رنز کے اندر ملتان سلطانز کے 5 کھلاڑی آؤٹ ہوئے اور ٹیم 121 رنز بنانے کے بعد آؤٹ ہوگئی۔ سہیل تنویر اور ڈیوین براوو نے 3، 3 جبکہ محمد نواز نے 2 اور محمد حسنین نے ایک وکٹ حاصل کی۔جواب میں کوئٹہ گلیڈی ایٹرز کے شین واٹس اور احسن علی نے 49 رنز کا آغاز فراہم کیا۔ 37 رنز بنانے والے شین واٹسن کو شاہد خان آفریدی نے بولڈ کردیا۔ 55 کے سکور پر 17 رنز بنانے والے احسن علی کو بھی بولڈ کرکے کوئٹہ کو دونوں اوپنرز سے محروم کردیا۔ ریلی روسو اور احمد شہزاد کے درمیان 48 رنز کی پارٹنر شپ قائم ہوئی جس نے کوئٹہ گلیڈی ایٹرز کے لیے جیت کو یقینی بنادیا۔ریلی روسو کو 35 رنز بنانے کے بعد محمد الیاس نے 103 کے مجموعے پر رن آؤٹ کردیا‘ عمر اکمل بھی بغیر کوئی رن بنائے پویلین لوٹ گئے۔کوئٹہ گلیڈی ایٹرز نے احمد شہزاد کے ناقابلِ شکست 28 رنز کی بدولت ہدف 19ویں اوور کی آخری گیند پر پورا کرلیا۔ کوئٹہ گلیڈی ایٹرز 10 پوائنٹس اور خراب رن اوسط کی بنیاد پر پوائنٹس ٹیبل پر دوسرے نمبر پر آگئی۔آل راؤنڈر ڈوین براوونے پہلی مرتبہ کوئٹہ گلیڈی ایٹرز کی نمائندگی کی۔