مانگا منڈی: مزاحمت پر ڈاکوئوں نے فائرنگ کرکے جنرل سٹور کے مالک دوبھائیوں کو زخمی کر دیا

مانگا منڈی(نامہ نگار)تھانہ مانگا منڈی کے علاقہ نہلے گائوں میںمزاحمت پر ڈاکوئوں نے فائرنگ کرکے جنرل سٹور کے مالک دونوں بھائیوں کو اندھا دھند فائرنگ کرکے شدید زخمی کر دیا ،دونوں بھائی زندگی اور موت کی کشمکش میں جناح ہسپتال میں داخل،تفصیلات کے مطابق طارق اور صابر کا نہلے گائوں میں جنرل سٹور ہے کہ رات آٹھ بجے تین نامعلوم مسلح ڈاکو آگئے اور اسلحہ کی نوک پر جان سے مار دینے کی دھمکیاں دے کر ہزاروں روپے اور دونوں کے موبائل لوٹ کر فرار ہونے لگے اس دوران دونوں بھائیوں نے مزاحمت کی کوشش کی تو ڈاکوئوں نے دونوں کو فائرنگ کرکے شدید زخمی کر دیا ۔