کرک :آئل ٹینکرمیں آگ لگنےسے 2افراد جھلس کرجاں بحق

کرک :اتوار کی شب کرک میں انڈس ہائی وے پرآئل ٹینکر الٹنے سےآگ بھڑک اٹھی جس کے نتیجے میں دوافراد زندہ جل گئےجبکہ متعددزخمی ہیں ۔
 حادثے کےبعد سڑک پر تیل  پھیل کر قریبی رہائشی علاقوں میں  داخل ہوگیا ۔جس نے فورا آگ پکڑلی اورآتشزدگی کے باعث قریبی مکانات  جل کر راکھ ہو گئے جب جس سے دو افراد موقع پر ہی جاں بحق اورمتعدد زخمی ہوگئے۔ ریسکیو ٹیمیں موقع پر پہنچ گئیں اور آگ پر قابو پانے کیلئے آپریشن شروع کردیا۔ آگ کے باعث انڈس ہائی وے پر بھی بدترین  ٹریفک جام ہوا ۔ پولیس اور ریسکیو 1122 نے صبح سویرے   ہائی وے کو صفائی بھی کروادی ہے۔
پولیس نے مزید بتایا کہ اس واقعے میں ہلاک ہونے والے دونوں افراد کی شناخت مشکل ہے۔ تاہم لاشوں کی شناخت کے لئے ان کے نمونے  ڈی این اے ٹیسٹ کے لئے لیبارٹر کو بھیجے جائیں گے