لاہور بہت یاد آئیگا‘پی ایس ایل پریزنٹر ایرن ہالینڈ وطن واپس 

لاہور(سپورٹس رپورٹر)آسٹریلوی میزبان اور پاکستان سپر لیگ کی پریزینٹر ایرن ہالینڈ نے وطن واپسی سے قبل لاہور میں خوب سیر سپاٹے کیے ۔ایرن نے انسٹاگرام اکاؤنٹ پر مقامی ریسٹورینٹ سے تصاویر پوسٹ کیں، اس کے علاوہ آسٹریلوی مہمان نے لاہور کی سڑکوں کی ویڈیو بھی شیئر کی۔انہوں نے بتایا کہ آخر کار وہ کرونا کے باعث بنائے گئے بائیو سکیور ببل سے باہر آگئی ہیں اورشہر میں گھوم رہی ہیں۔ وہ پاکستان سپر لیگ کے اختتام کے بعد اب جب وطن واپس لوٹ رہی ہیں تو وہ 'لاہور' کو بہت زیادہ یاد کریں گی۔انہوں نے کچھ تصاویر شیئر کیں۔ایرن ہالینڈ نے جہاز سے بھی ایک تصویر شیئر کی اور پاکستان سپر لیگ کے اختتام پر خصوصی پیغام لکھاکہ اب یہ الوداع کہنے کا وقت ہے، سچ کہوں تو ہر سال دل کا چھوٹا سا ٹکڑا ایونٹ کے اختتام پر یہیں رہ جاتا ہے۔ایرن نے سیزن کی تعریف کرتے ہوئے محبت کا اظہار کیا۔