کراچی(اسپورٹس رپورٹر) رانا مسعود میموریل T20کر کٹ ٹورنامنٹ کا فائنل کراچی ایگلٹس نے یونین اسپورٹس کو 31رنز سے شکست دیکر جیت لیا، یونین گراؤنڈ پر کراچی ایگلٹس نے 220رنز کا ٹارگٹ دیا، عمر ریاض82،محمد مقصود57اور فیضان احمد نے32رنز کی جارہانہ اننگز کھیلی، اسپنر محمد ابرار نے تین وکٹیں حاصل کی،وکٹ کیپر خالد عباسی نے وکٹوں کے پیچھے پانچ شکار پکڑے،جواب میں یونین اسپورٹس 189رنز بناسکی، راشد خان36،فیصل اعوان31اور اویس احمد نے 30رنز بنائے، شاہد نے تین اور منہاج نے دو وکٹیں حاصل کی، فائنل میچ کے اختتام پر مہمان خصوصی اعظم علی اور دلدار حسین (بریوٹی فاریکس) نے فاتح ٹرافی کرا چی ایگلٹس کے کپتان محمد مقبول اور رنرز اپ ٹرافی یونین اسپورٹس کے کپتان خالد عباسی کو پیش کی، مین آف دی میچ عمر ریاض،بہترین بیٹسمین فیصل اعوان اور بہترین بولر کا ایوارڈ شہر یار شہزاد کو دیا گیا