گورنرسندھ کامران خان ٹیسوری  سے مولانا بشیر فاروقی کی ملاقات

کراچی (اسٹاف رپورٹر) گورنر سندھ کامران خان ٹیسوری سے سیلانی ویلفیر ٹرسٹ انٹرنیشنل کے سرپرست اعلی مولانا بشیر فاروقی نے گورنرہائوس میں ملاقات کی ۔ ملاقات میں سیلانی کے زیر انتظام چلنے والے منصوبوں،ان کے دائرہ کار میں مزید اضافہ اورباہمی دلچسپی کے دیگر امور پر تبادلہ خیال کیا گیا۔گورنرسندھ نے کہا کہ عوامی فلاح و بہبود کیلئے سیلانی کے تمام منصوبے مثالی ہیں۔ انہوں نے مزید کہا کہ سیلانی اور دیگر فلاحی ادارے حکومت کا دست و بازو ہیں، ان کی کاوشوں کی بدولت عوام کو بنیادی سہولیات کی فرہمی ممکن ہورہی ہے ۔ گورنرسندھ نے کہا کہ مولانا بشیر فاروقی ہمارے لئے رول ماڈل ہیں ، مخیر حضرات کا سیلانی کے ساتھ اعتماد اور تعاون لائق تحسین ہے۔مولانا بشیر فاروقی نے کہا کہ سیلانی کے ساتھ گورنر سندھ کے تعاون پر مشکور ہیں ۔
 سیلانی ویلفیر ٹرسٹ