راولپنڈی میں وارداتیں ،لاکھوں کے طلائی زیورات ،2 گاڑیاں چوری 

راولپنڈی (اپنے سٹاف رپورٹر سے)ڈکیتی ،چوری کی وارداتوں میں شہری لٹ  گئے تھانہ صادق آباد کی حد ود سے محمد بلال،تھانہ کینٹ سے ثوبیہ بی بی کی گاڑیاں چوری ہوگئیں،نیوٹاون پولیس کو محمد علی نے بتایا کہ دوست کے ہمراہ ہولی فیملی ہسپتال پہنچا تو دونامعلوم افراد نے اسلحہ کی نوک پر تین موبائل فون چھین لئے،نصیر آباد پولیس کو عبدالحکیم نے بتایا کہ میرے گھر سے نقدی مالیت12ہزار روپے،طلائی زیورات چوری کر لئے گئے ائیر پورٹ پولیس کو حیدر علی نے بتایا کہ اپنے گائوں کوٹلی گیا ہواتھا گھر واپس آئے تو مین گیٹ کا دروازہ کھلا ہوا تھا اور پڑتال کرنے پر گھر سے لیپ ٹاپ، موبا ئل فون، نقدی 3لاکھ روپے، سونا مالیت 2لاکھ روپے،واہ کینٹ کی حدود سے عمران خان نے بتایا کہ میری والدہ آصفہ سلطانہ نے گھر کا جیولری والا لاکر چیک کیا تو لاکر میں سے سونے کا تمام زیورمالیت18لاکھ روپے کوئی نامعلوم چور چوری کر کے لے گیاہے، صدربیرونی پولیس کو شا ہد پر ویز نے بتایا کہ گھر واپس آئے تو ہماری کچن کی کھڑ کی ٹوٹی ہوئی اندر دیکھا تو کمرے میں سامان بکھرا پڑا تھا پڑتال کرنے پر الماریوں سے تقریبا پانچ تولے طلائی زیورات اور رقم پانچ لاکھ روپے چوری کرلئے۔