گلگت، گاڑی کھائی میں  گرنے سے4 ،قصور‘ٹریکٹر  موٹرسائیکل حادثہ میں2جاں بحق

گلگت،قصور(نامہ نگار+نمائندہ نوائے وقت) شاہراہ قراقرم پر ٹریفک حادثے میں 4 افراد جاں بحق ، ایک شدید زخمی ہوگیا۔ پولیس ذرائع کے مطابق لوئر کوہستان کی تحصیل پٹن طور کمر کے مقام پر گلگت سے اسلام آباد جانے والی گاڑی   بے قابو ہوکر گہری کھائی میں جا گری۔ ریسکیو ٹیم‘ میڈیکل اور ڈیزاسٹر ٹیمیں موقع پر بروقتپہنچیں۔  حادثے کے زخمی اور ڈیڈ باڈیز کو موقع پر طبی امداد  کے بعد تحصیل ہیڈ کواٹر ہسپتال پٹن منتقل کر دیا گیا۔ شدید زخمی احتشام خان سکنہ گلگت کو مزید علاج  کیلئے  ایمبولینس کے ذریعے ایبٹ آباد منتقل کیا گیا جبکہ   جاں بحق مسافروں  میںمحمد علی چارسدہ، محمد عمران  فتح جھنگ اور دو نامعلوم  شامل  ہیں جن کی   شناخت نہ ہوسکی ۔دوسری جانب ہیڈ بلوکی کے قریب ٹریکٹر کی ٹکر سے موٹرسائیکل سوار بچی سمیت دو افراد جاں بحق ہو گئے جبکہ 2 افراد زخمی ہو گئے۔  اہل علاقہ کے مطابق موٹرسائیکل پرسوار 4ا فراد ہلہ پتوکی سے ملک پورہ ننکانہ صاحب کی طرف جارہے تھے۔جاںبحق ہونے والوں میں 50سالہ لیاقت ‘ 5 سالہ خدیجہ جبکہ زخمیوں میں 45سالہ حلیمہ اور 17سالہ ارسہ شامل ہیں۔ریسیکو1122 نے نعشوں کو مقامی پولیس جبکہ زخمیوں کو طبی امداد کے بعد ٹرامہ سنٹر پھولنگر منتقل کردیا ہے۔